Уус Алдан улууһугар быйыл 67000 туонна чох таһыллан, оттук сезона балаҕан ыйын 7 күнүттэн саҕаламмыта. Күн бүгүн 45 хочуолунай тигинэччи үлэлиир.
Улууска 3 толору механизированнай хочуолунай баарыттан биирэ Мындаабаҕа үлэлиир. Манна 8 эпэрээтэр уол олбук-солбук оһохтор туруктарын кэтииллэр, айаҕар баар чоҕун толорон биэрэллэр.
Ааспыт кыстык бытарҕан тымныыта нэдиэлэнэн турбут буолан 80 тыһыынчаттан тахса туонна чоҕунан кыстаабыттар. Онон билигин даҕаны уматыктарын хаһааныы үлэтин эрдэтинэ тэриммиттэр.
Маны кэккэ улуустааҕы олох-дьаһах коммунальнай хаһаайыстыбата чааһынай дьиэлэри ититиигэ холбуурга, саҥа хочуолунайдары тутуу бырайыактарын оҥорууга күүскэ ылсан үлэлиир.
