Владимир Егоров Манчаары башнятын чөлүгэр түһэрии аахсыйатыгар кыттыста

Үүнэр көлүөнэ пуондатын генеральнай дириэктэрэ Владимир Егоров Мэҥэ Хаҥалас оройуонугар Манчаары башнятын чөлүгэр түһэрии аахсыйатын өйөөтө. Бу туһунан СӨ култуура нэһилиэстибэтин эбийиэктэрин харыстааһыҥҥа департаменын пресс-сулууспата иһитиннэрэр.

Владимир Егоров 25 тыһыынча солкуобайы биэрдэ.

Башня Мэҥэ Хаҥалас Майа сэлиэнньэтигэр турар, Саха сирин историятын уонна култууратын биир биллэр, сыаналаах федеральнай суолталаах пааматынньыктарын ахсааныгар киирэр.

Билигин башня мөлтөх туруктаах, сарайа суох, сорох конструкциялара эмэҕирбит. Башняны чөлүгэр түһэриигэ 2,5 мөлүйүөн солкуобай ирдэнэр. Өрөмүөн үлэтэ сайыҥҥыга былааннанна.

Муус устар 18 күнүгэр 15.00 чаастан НВК «Саха» ханаалга XIX үйэтээҕи Манчаары башнятын чөлүгэр түһэриигэ «Биһиги нэһилиэстибэбит. Манчаары башнята» телемарафон буолуоҕа.

Телемарафоҥҥа уонна пааматынньыгы чөлүгэр түһэриигэ баҕалаах барыта кыттыан сөп. Үбү-харчыны 89148259808 нүөмэргэ БАШНЯ диэн бэлиэтээн, Баһылай Манчаары аатынан социальнай тэрээһиннэри өйүүр пуонда  40703810301084701504 р/с  ыытыллар. Аахсыйанан ыйытыылары 8 (924) 173-24-92, 8 (924) 460-12-56 төлөпүөнүнэн биэриэххэ сөп.