Ыам ыйын 13 күнүгэр Саха сирин хас да оройуонугар инчэҕэй хаар түһэрэ күүтүллэр

Ыам ыйын 13 күнүгэр өрөспүүбүлүкэ хас да улууһугар инчэҕэй хаар түһэрэ сабаҕаланар. Бу туһунан РФ ыксаллаах быһыы-майгы министиэристибэтин Саха сиринээҕи салаатын пресс-сулууспата иһитиннэрэр.

«Өлүөхүмэҕэ, Алдаҥҥа, Нерюнгригэ, Уус Майаҕа, Томпоҕо, Өймөкөөҥҥө, Муомаҕа, Орто Халымаҕа, Үөһээ Дьааҥыга, түүнүн Ленскэйгэ, күнүһүн Өлөөҥҥө улахана суох ардах уонна инчэҕэй хаар түһэрэ күүтүллэр», — диэн иһитиннэриигэ этиллэр.

Ону тэҥэ, Халымаҕа, Томпоҕо, Өймөкөөҥҥө, Алдаҥҥа, Нерюнгригэ сымнаһыар тыал үрүөҕэ.