MENU

От редакции
Категория

Кэлэр сылтан «Саха» НКИХ сезоҥҥа сэттэлии сериалы устуоҕа

05.09.2019 14:10 Комментарии От редакции, Спорт и культура

НВК САХА — Тэлэбиидьэнньэ кэлэр сезонуттан «Саха» көрдөрөр-иһитиннэрэр хампаанньа сылга сэттэлии сериалы оҥорон таһаарыаҕа. Бу туһунан кэлэктииби кытта мунньахха Олег Марков кэпсээтэ.

Билигин сериал устар сулууспа номнуо үс сериалы бэлэмнии сылдьар. «Сүлүһүннээх таптал» сериал салгыыта бу дьыл сэтинньи ыйыгар хайыы үйэ күөх экраҥҥа тахсыаҕа. Сардаана Сивцева-Дана Сард сценарийынан “Иза уонна Лиза” диэн иккис сериал уһуллуоҕа (режиссер Саймон Сергеев). Хартыынаҕа икки эдэр кыыс тулалыыр дьону уонна аймахтарын кытары алтыһыыларын туһунан кэпсэнэр. Марина Платонова режиссердаах өссө биир «Күдээринэ күүрээн» диэн сериалы бэлэмнииллэр. Дьокуускайга уонна Хатаска билигин уста сылдьаллар.

Сериаллар «НВК Саха» ханаалга уонна хампаанньа ютубка страницатыгар көстүөхтэрэ.

 

 Подробнее

«Саха» НКИХ интернеккэ оҕолорго аналлаах биэриилэри бэлэмниэҕэ

05.09.2019 12:53 Комментарии Общество и политика, От редакции

НВК САХА — «Саха» көрдөрөр-иһитиннэрэр хампаанньа саҥа сезоҥҥа интернеккэ үлэтин өссө күүһүрдүөҕэ. Ол курдук, ютуб-ханаалга оҕолорго аналлаах биэриилэри бэлэмниэҕэ, мульт-киинэлэри сахалыы тылбаастаан көрдөрүөҕэ. Бу туһунан кэлэктииби кытта мунньахха Олег Марков кэпсээтэ.

«Бастатан туран, оҕолорго анаан төрөөбүт тылларынан биэриилэри бэлэмниэхпит. Кистэл буолбатах, билиҥҥи оҕо интернеккэ элбэх бириэмэтин атаарар. Онон саха тыла интернеккэ элбэхтик иһиллиэхтээх», — диэтэ кини.

Ону кытта, «Саха» НКИХ бородууксуйата көрөөччү ханна баарынан тиийиэхтээҕин бэлиэтээтэ. «Көрөөччүбүтүгэр, истээччибитигэр, киниэхэ табыгастаах ньыманан тиийиэхтээхпит — телевизорынан, араадьыйанан, социальнай ситиминэн, ютубунан, смарт-тэлэбиидьэнньэнэн. Биһиги хамаандабыт ону сатыа, ситиһиэ дии саныыбын», — диир генеральнай дириэктэр.

Санатан эттэххэ, саҥа сезон балаҕан ыйын 9 күнүттэн саҕаланар. Көрөөччүлэри элбэх саҥа бырайыак, сериал, биэрии күүтэр.

 Подробнее

Балаҕан ыйын 5 күнэ: халлаан туруга

04.09.2019 16:41 Комментарии Общество и политика, От редакции

НВК САХА — Саха сирин гидрометекиинэ биллэрэринэн, балаҕан ыйын 5 күнүгэр +15 кыраадыс сылаас буолара күүтүллэр. Түүн кыра ардах түһүөҕэ, тыал хотугулуу-арҕаа өттүттэн сөкүүндэҕэ 4-9 миэтэрэ түргэннээхтик үрүө. Түүнүн +4+6 кыраадыс сылаас, күнүс +13+15 кыраадыс сылаас буолуоҕа.

Бүгүн күнүс +17 кыраадыс сылаас.

 

 Подробнее

«Үҥкүүлээ» бырайыакка сайаапка хомуйабыт

03.09.2019 10:43 Комментарии От редакции, Спорт и культура

НВК САХА — «Саха» национальнай көрдөрөр-иһитиннэрэр хампаанньа күһүҥҥүттэн «Үҥкүүлээ!» диэн саҥа бырайыагы саҕалыаҕа. Бу куонкуруска 18 саастарын туолбут үҥкүүлүүрүн сөбүлүүр дьон кыттыан сөп.

«Саҥа дьыл кэнниттэн биһиэхэ “Эн сулускун 50+” ырыа куонкуруһа буолбута. Олус элбэх киһи сэргээбитэ. Сахабыт сирэ талааннаах дьонунан баай, ол иһин күһүн аны үҥкүү куонкуруһун тэрийэргэ сананныбыт. Хас биирдии нэһилиэккэ, тэрилтэҕэ үҥкүүлээн тэйэр киһи элбэх буолуохтаах», — диир толорооччу продюсер Алена Антонова.

Куонкурус быраабылатынан идэтийбэтэх үҥкүү кэлэктииптэрэ кытталлар. Бөлөххө уонтан элбэҕэ суох киһи буолуохтаах. Биэрии быйыл алтынньы ыйтан саҕаланар. Быһа эфиргэ хас субуота аайы көстүөҕэ.

Сүрүн ирдэбилэ: бөлөххө улааппыта 10 кыттааччы буолуохтаах.

Народнай эбэтэр идэтийбит таһымнаах (профессиональнай) ансаамбыллар кыттыбаттар.

Кыттыан баҕалаахтар сайаапканы tv.nvk@mail.ru электроннай почтаҕа эбэтэр +79659932855 WhatsApp нүөмэргэ ыытыҥ. Сайаапкаҕа түмсүү (тэрилтэ) аата, кыттыылаахтар ааттара, салайааччы төлөппүөнэ ыйыллыбыт буолуохтаах.

Кэлиҥ, кыттыҥ, үҥкүүлээҥ!

 

 Подробнее

«Саха» НКИХ үлэһиттэрин оҕолорун бастакы кылааска атаардылар

02.09.2019 18:08 Комментарии Общество и политика, От редакции

НВК САХА — «Саха» НКИХ үлэһиттэрин оҕолорун бастакы кылааска киирбиттэринэн эҕэрдэлээтилэр. Бу туһунан хампаанньа идэлээх сойууһа иһитиннэрэр.

«Биһиги идэлээх сойууспутугар бастакы кылааска киирбит оҕолорбутун эҕэрдэлиир үтүө үгэс уруккуттан баар. Урукку өттүгэр 20-лии оҕо буоллаҕына, быйыл филиаллары кытары 33 оҕобут оскуола боруогун атыллаата. Кинилэргэ үөрэнэр тээбирин бэлэхтээтибит. Итиэннэ уруһуй куонкуруһугар кытыннылар», — диэн кэпсиир «Саха» НКИХ идэлээх сойууһун бэрэссэдээтэлэ Татьяна Бурцева.

Маннык тэрээһиннэр хампаанньа үлэһиттэрин сомоҕолуур аналлаахтар диэн эбэн эттэ.

 Подробнее

«Саха» НКИХ филиалларыгар видеоролик устарга күрэс биллэрилиннэ

02.09.2019 10:41 Комментарии Общество и политика, От редакции

НВК САХА — «Саха» национальнай көрдөрөр-иһитиннэрэр хампаанньа 2019 – 2020 сыллааҕы тэлэбиидьэнньэ саҥа сезонун чэрчитинэн филиалларыгар биэриилэр быыстарыгар көстөр видеороликтары устарга күрэс биллэрдэ.

Бу күрэс филиаллар үлэһиттэрин көрдөрөр-иһитиннэрэр эйгэҕэ үлэлиир, айар-тутар, иһитиннэриини сатаан көрдүүр уонна ону туһанар кыахтарын сайыннарар, үлэһит идэтин таһымын үрдэтэр сыаллаах ыытыллар. Ону таһынан куонкурус өрөспүүбүлүкэтээҕи эфири хаачыстыбалаах, ис хоһоонноох кылгас видеоларынан хааччыйары ситиһиэхтээх.

Күрэс 2019 сыл балаҕан ыйын 1 күнүттэн 2020 сыл бэс ыйын 30 күнүгэр диэри ыытыллар. Ый аайы түмүгү таһааран иһиэхтэрэ.

 Подробнее

ЛЕНТА НОВОСТЕЙ