Алтынньы 29 күнүттэн Дьокуускай-Аллараа Бэстээх хайысханан салгын олбохтоох суудуналарынан айан төлөбүрэ 5 тыһ солк диэри үрдүөҕэ. Өрүскэ кыдьымах үөскүүрүнэн сибээстээн пассажирдары салгын сыттыктаах суудуналарынан, онтон аэробокка көһөрөн айаннаталлар. Бу туһунан «Ленаводсервис» хампаанньа салайааччыта Борис Строев иһитиннэрдэ.
«Тарыып сыаната гидрологическай балаһыанньа уустугурбутунан үрдүөҕэ. Сарсыҥҥыттан биир сырыыга 5000 солк таһар буолуохтара. Арыыга сотовай сибээс, интэриниэт мөлтөхтүк үлэлиир. Ол иһин айан төлөбүрүн мобильнай баанынан эбэтэр каартанан төлүүр кыаллыбат. Онон пассажирдар айан төлөбүрүн уу харчынан төлүүргүт ирдэнэр», — диэтэ Борис Строев.
Маршрут оннунан хаалар: Дьокуускайга 204-с дьоҕус түөлбэттэн («Намыв» станция) Аллараа Бэстээххэ.
