Олунньу 19 күнүгэр уопсайа 1 305 ОДьКХ үлэһиттэрэ уонна энергетиктэр COVID-19 утары вакцинаны ыллылар. Бу туһунан ОДьКХ уонна энергетиктэр министиэристибэтин пресс-сулууспата иһитиннэрэр.
Быһыыны оҥорор хампаанньаҕа саамай элбэх киһи «СӨ ОДьКХ» судаарыстыбаннай унитарнай тэрилтэттэн кытынна. Манна 424 үлэһит вакцинаны ылла.
Тэрилтэ пресс-сулууспата иһитиннэрэринэн, COVID-19 утары вакцинаны бастаан Муоматааҕы филиал уонна куораттааҕы «СӨ ОДьКХ» тэрилтэлэрин үлэһиттэрэ ыллылар. Бүгүҥҥү туругунан, кинилэр вакцинация икки түһүмэҕин аастылар.
Атын филиал үлэһиттэрэ быһыы иккис түһүмэҕин ааһарга бэлэмнэнэллэр.
«Үлэһиттэри вакцинацияны ааһыахтарын иннинэ быраас көрдө, анкета толордулар, Госуслуга порталыгар дневник толорор көҥүл ыллылар», — диэн иһитиннэриигэ этиллэр.
Маны таһынан, коронавирустан вакцинаны 397 киһи ылла, «Сахаэнерго» АУо — 214 исписэлиис, «Теплоэнергосервис», — 99 үлэһит.
«Теплоэнергосервис» АУо иһитиннэрэринэн, вакцинаны бастаан Өймөкөөн уонна Алдан хампаанньаларын үлэһиттэрэ ыллылар, ону тэҥэ 30 толорор дирекция исписэлиистэрэ.
«Водоканал» үлэһиттэриттэн 103 киһи быһыыны ылла.
