Бүгүн Томпо улууһугар «Дьааҥы» айан суолугар Кураанах уонна Уулаах өрүстэри туоруур икки саҥа муостаны арыйдылар. Тополинай олохтоохторугар үөрүүлээх күн үүннэ: төгүрүк сыл устата сэлиэнньэлэригэр диэри айанныыр, бородууктаны, эми-тому, наадалаах таһаҕаһы тиэйэн аҕалар кыахтаннылар. Муосталар тутууларыгар «Инфраструктура для жизни» национальнай бырайыак 640 мөл тахса солк көрүллүбүтэ.
«Муосталар тутууларыгар, суолу тупсарыыга кыттыбыт дьоҥҥо барыларыгар махталбын тиэрдэбин. Бу ситиһии Уһук Хоту уустук усулуобуйатыгар үлэлээбит дьон сыралаах үлэлэрин, идэлэлигэр бэриниилээхтэрин түмүгэ буолар. Ордук «Дьааҥы» сайдыытыгар «Прогноз-Серебро» хампаанньа кылаатын бэлиэтиэхпин баҕарабын: хампаанньа Тополинай-Прогноз хостонор баайдаах сир-Барылас хайысхатынан 350 км уһуннаах суолу туппута», – диэн Ил Дархан Айсен Николаев эттэ.
