Ил Дархан Айсен Николаев СӨ Бырабыыталыстыбатын уонна Ил Дархан Дьаһалтатын уонна Бырабыыталыстыбатын салалтатын кытта былааннаах сүбэ мунньаҕы ыытта. Өрөспүүбүлүкэ баһылыга министиэристибэлэр уонна биэдэмистибэлэр салайааччыларыгар бүддьүөт иккис ааҕыытыгар этиилэри Үп министиэристибэтин кытта бииргэ оҥорорго, бүддьүөт ороскуотун көдьүүһүн үрдэтэр үлэни салгыы ыытарга сорудахтаата.
Ону тэҥэ Ростехнадзор кыһыҥҥа бэлэмнээх буолууга бэлиэтээһиннэрин суох гынарга уонна хомунаалынай инфраструктура эрэллээхтик үлэлиирин хааччыйарга муниципалитеттарга сорудахтаата. Профильнай министиэристибэлэргэ — хаалбыт хотугу таһаҕаһы тиэйии чуолкай графигын оҥорорго уонна ыраах сытар нэһилиэктэргэ уматык саппааһын тэрийэргэ. Доруобуйа харыстабылын министиэристибэтигэр — тыын суолталаах эмтэри кэмигэр атыылаһарга, ол иһигэр эһиилги сылга эмиэ, хааччыйарга сорудахтаата.
Хаартыска: Айсен Николаев МАХ ханаала
