Ю.П. Степанов аатынан Өрөспүүбүлүкэтээҕи инбэлииттэри реабилитациялыыр социальнай-чэбдигирдэр кэлим кииҥҥэ анал байыаннай дьайыы кыттыылаахтарыгар уонна кинилэр дьиэ кэргэттэрин чилиэттэригэр комплекснай реабилитация салҕанар.
«Биһиэхэ бүгүҥҥү күҥҥэ 513 анал байыаннай дьайыы кыттыылааҕа уонна 503 кинилэр дьиэ кэргэттэрин чилиэнэ комплекснай реабилитацияны аастылар. Бу үлэ биһиги кииммитигэр Ил Дархан Айсен Николаев сорудаҕынан ыытыллар», – диэн тэрилтэ дириэктэрэ Асида Алексеева эттэ.
Кини иһитиннэриитинэн, маны таһынан тэрилтэҕэ байыаннай сулууспалаахтарга уонна кинилэр дьиэ кэргэттэригэр социальнай өйөбүллэр дьаһалларыгар консультация оҥоһуллар. Кииҥҥэ араас биэдимэстибэлэри уонна тэрилтэлэри кытта 84 көрсүһүү тэрилиннэ.
