Дьокуускайга 15 биригээдэ бэйдиэ сылдьар ыттары тута таҕыста. Бу туһунан куорат дьаһалтатын пресс-сулууспата иһитиннэрэр.
«Баһылык Евгений Григорьев Комсомольскай болуосссакка биригээдэлэри кытта мунньахтаата. 15 биригээдэ 30 киһилээх. Хас биирдии биригээдэҕэ кинологтар уонна үөрэхтээх дьон баар», — диэн иһитиннэриигэ этиллэр.
Ону таһынан управаларга мобильнай бөлөхтөр үлэлииллэр, кинилэр ыттары көрдөхтөрүнэ, биллэрэн иһиэхтэрэ. Ахсынньы 30 күнүгэр сарсыарда мэрия 170 тахса үлэһитэ, экстреннэй сулууспалар, 47 массыына үлэлиир. Онно эбии ИДьМ кинологическай сулууспата, ЫБММ быыһыыр сулууспата баар.
Санатан эттэххэ, ипподромҥа ыттар саба түһэн, киһи өлүүлээх дьыала тахсыбыта. Онон сибээстээн Автодорожнай уокурукка ЧС биллэриллибитэ.
