РФ бырабыыталыстыбата коронавирустаабыт дьону эминэн хааччыйыыга эбии 20,2 мөлүйүөн солкуобайы көрүөҕэ.
Бу туһунан бырабыыталыстыба бэрэссэдээтэлэ Михаил Мишустин илии баттаабыт дьаһала миниистирдэр кэбиниэттэрин сайтыгар ахсынньы 15 күнүгэр таҕыста.
«РФ доруобуйа харыстабылын министиэристибэтэ бүддьүөттэн көрүллэр үбүлээһин тустаах сыалга туттуллуутун хонтуруолга ыларыгар», — диэн дөкүмүөҥҥэ этиллэр.
Манна коронавируһунан ыалдьыбыт уонна быраастар хонтуруолларынан дьиэлэриттэн эмтэнэр дьон туһунан этиллэр. Ыарыы бэргээбэтин уонна уустугурбатын туһугар кинилэргэ комбинированнай эмтээһин схемата туһаныллар.
Туһааннаах эми быраас анаабытынан босхо бэриллэр.
Санатан эттэххэ, бу сыалга РФ бырабыыталыстыбатын резервэтин пуондатыттан 217,5 мөлүйүөн солкуобай көрүллүбүтэ.
