Быйылгы сыл бастыҥ спортсменнарын НВК «Саха» ханаал быһа эфиригэр биллэрдилэр. Спорт министиэристибэтэ тэрийбит онлайн-куоластааһыныгар уон күн устата 25 173 киһи кыттыбыт. Ол курдук, олимпийскай спорт көрүҥнэригэр бастыҥ спортсменынан марафоҥҥа Россия түөрт төгүллээх чөмпүйүөнэ Сардаана Трофимова буолла.
Олимпийскайа суох спорт көрүҥнэригэр бастыҥ спортсмен — Европа уонна Россия шашкаҕа чөмпүйүөнэ Матрена Ноговицына. Алаптивнай спорт көрүҥнэригэр бастыҥынан Паралимпийскай оонньуу үрүҥ көмүс призера, аан дойду уонна Европа чөмпүйүөнэ Анастасия Диодорова ааттанна.
Оттон национальнай спорт көрүҥнэригэр бастыҥ спортсменынан Россия уонна Аан дойду куубагын призера Екатерина Белолюбская буолла.
