Арктика сиригэр сытар улуустарга сыана үрдээһинин тохтотууга 2019 сылга икки операторы холбуурга быһаарбыттар. Бу туһунан бырабыталыстыба бэрэссэдээтэлэ Владимир Солодов быһа эфиргэ эттэ.
«Улахан инвестиционнай бырайыактары киллэрэри таһынан, арктическай зонаҕа олоҕу табыгастаах, дьон баай-талым олохтоох буоларын ситиһиэхтээхпит», — диэтэ Владимир Солодов.
Кини этэринэн, сорох оройуоннарга табаар сыаната 7-10% түстэ. Хоту таһаҕаһы таһыыны бэрээдэктээһин суотугар таҕыста.
Үгэс буолбут бырабыыталыстыба отчуота бүгүн, олунньу 1 күнүгэр, 11:00 — 14:00 чааска НВК «Саха», «Якутия 24» ханаалларга уонна «Тэтим» араадьыйаҕа буолла.
Бырабыыталыстыба бэрэссэдээтэлэ Владимир Солодов баһылыктаах миниистирдэр бары быһа эфиргэ тахсан, 2019 сыллааҕы үлэ түмүгүн кэпсээтилэр, ыйытыыларга хоруйдаатылар.
