Быйыл киин куоракка уопсайа 272 тыһыынча квадратнай миэтэрэ иэннээх олорор дьиэ тутулунна, куорат олорор дьиэтин тутуу өрөспүүбүлүкэ тутуутун 50 %-гар тэҥнэстэ. Бу туһунан куорат дьаһалтатын пресс-сулууспата иһитиннэрэр.
«Киин куоракка кыбаарталларга комплекснай тутуу үлэтэ салгыы ыытыллар. Манна сүрүн хайысханан тутуу ыытыллыбыт сирдэрин сайыннарыы (ДРЗТ) дуогабардара олоххо киириилэрэ буолар. Бу дуогабардар биирдиилээн тутууттан комплекснай тутууга көһөргө кыах биэрэллэр», — диэтэ куорат баһылыгын солбуйааччы Евгений Григорьев.
Ол курдук 2020 сылга сэттэ дуогабар түһэрсилиннэ, көһөрүүгэ 33 элбэх кыбартыыралаах дьиэлэр былааннаналлар, ол иһигэр 20 аварийнай.
2019 уонна 2020 сылга эрдэ оҥоһуллубут дуогабардарын усулуобуйатын толорботох түөрт тутааччылары кытта ДРЗТ көтүрүлүннэ.
