Саха сиригэр «Куттала суох уонна хаачыстыбалаах айан суоллара» национальнай бырайыак чэрчитинэн суолу оҥоруу бастакы дуогабардара түһэрилиннилэр. Бу туһунан СӨ тырааныспар уонна суол хаһаайыстыбатын министиэристибэтин пресс-сулууспата иһитиннэрэр.
2020 сылга национальнай бырайыак чэрчитинэн 33 суол эбийиэктэригэр өрөмүөн үлэтэ ыытыллара бэлиэтэнэр.
«33 региональнай суол эбийиэктэриттэн 12 контракт түһэрилиннэ. Сыллааҕы былаан 41% буолар. Онтон түөрт эбийиэгэ аукциоҥҥа биллэрилиннэ. 2019 сылга бастакы дуогабар муус устар ыйыгар түһэриллибитэ», — диэн тырааныспар уонна суол хаһаайыстыбатын миниистирин бастакы солбуйааччы Сергей Владимиров кэпсээтэ.
Хаалбыт эбийэктэринэн проектнай-сметнэй докумуон оҥоһуллар, ол кэнниттэн судаарсытыбаннай экспертиза түмүгэ күүтүллэр. Бүгүҥҥү күҥҥэ Дьокуускайга биир дуогабар түһэрилиннэ уонна алта эбийиэк аукциоҥҥа таһаарылынна.
