Ийэ сыла биллэриллибитэ тоҕус ыйын түмүгүнэн: 8 551 оҕо төрөөтө: уола 4 415, кыыһа 4 136.
Регионнааҕы саахса салаата биллэрэринэн, балаҕан ыйыгар 549 кыыс уонна 545 уол төрөөбүт.
Уолаттарга Лев, Марк, Максим, Дмитрий, Александр, Тимофей уонна Илья диэн ааты элбэхтик биэрбиттэр. Балаҕан ыйыгар сэдэх уонна ураты ааттар- Биниамин, Шердил, Кристан, Юджин, Мир, Алмаз.
Оттон кыргыттарга София, Виктория, Ева, Милана, Алиса, Диана уонна Мия ордук тарҕаммыт ааттар буолбуттар. Сэдэх уонна ураты ааттар испииһэктэригэр киирбиттэр: Альяна, Ани, Лунна, Ниса, Денна, Итильда, Ярославна, Милани.
