Өрөспүүбүлүкэ киин куоратыгар тиэргэннэри салгыы тупсараллар. 2023 сылга куорат былаастара 30 эбийиэккэ үлэ ыытар санаалаахтар.
Ону таһынан, 24 эбийиэктэргэ тас сырдатыы уотун оҥорор былааннаахтар, ол иһигэр тоҕус эбийиэк куорат таһынааҕы бөһүөлэктэргэ баар.
«Куоракка эргэрбит уонна саахалламмыт туруктаах дьиэлэр боппуруостара быһаарыллар, кэлэр сылга 150 мөл. солк. сууммаҕа муниципальнай бырагырааманан олохтоохтору көһөрүү былааннанар», — диэн иһитиннэриигэ этиллэр.
2023 сылга Дьокуускайга дьиэ-уот коммунальнай хаһаайыстыба уопсай ороскуота 1172 млрд. солкуобай, 2022 сылга бигэргэтиллибит былаанынан 104 мөл. солкуобай. Бу сылга дьиэ-уот коммунальнай комплекс автопааркатын киин тэрилтэтэ 58 анал тиэхиньикэнэн саҥардылынна. Бу хайысаханан 2023 сылга ороскуот кэриҥэ 101 мөл. солкуобай.
Бүгүн, сэтинньи 23 күнүгэр Саха сиринээҕи куорат думатын депутаттара өрөспүүбүлүкэ киинин үбүн бастакы ааҕыытыгар кытыннылар.
