2026 сылга диэри Ньурба улууһун сэттэ сэлиэнньэтин суолугар асфальт тэлгиэхтэрэ. Бу туһунан СӨ бырабыытылыстыбатын уонна баһылыгын дьаһалтатын пресс-сулууспата иһитиннэрэр.
Сүлэ, Чаппанда, Антоновка, Ньурбачаан, Үөдэй, Дьиикимдэ уонна Түмүк нэһилиэгэр тоҕус килэмиэтир усталаах айан суолларын саҥардыахтара.
«Билигин үс сэлиэнньэ асфальтынан бүрүллүөҕэ: Чаппанда, Сүлэ, Антоновка. Үчүгэй суол баар буолуута дэриэбинэ дьонун олоҕун хаачыстыбатын тупсарыаҕа. Бу үлэни оройуон тохтоппото киһини үөрдэр. Бу өрөспүүбүлүкэ атын оройуоннарыгар үтүө холобур буолар», — диэн Ил Дархан Айсен Николаев эттэ.
Антоновкаҕа Тыаликинскай уулусса учаастагар 1,2 килэмиэтир усталаах асфальты тэлгиэхтэрэ. Бу сыалларга өрөспүүбүлүкэ бүддьүөтүттэн 11,6 мөлүйүөн солк көрүлүннэ, оройуон бүддьүөтүттэн — 10,2 мөлүйүөн.
Cуол үлэлэрин «холоднай ресайклинг» диэн ньыманан ыытыахтара.
