Дойду бырабыыталыстыбата Дьокуускай 203-с микро-оройуонугар саҥа оскуола тутуутугар 263 мөл. солк. биэриэҕэ. 360 миэстэлээх эбийиэги номнуо 2020 сылга тутан киллэрэр былааннаахтар. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
«Бу Ил Дархан бырабыыталыстыбаны кытта, чуолаан Россия тутууга министиэристибэтин кытта үлэтин үтүө түмүгэ буолар», — диэн иһитиннэриигэ этиллэр. Санаттахха, Айсен Николаев Москваҕа командировкатын кэмигэр вице-премьер Марат Хуснуллинныын «Олорор дьиэ» федеральнай бырайыак туһунан, Саха сиригэр тутуу, албыннаппыт дольщиктар о.д.а. туһунан кэпсэппитэ .
От ыйын 18 күнүгэр премьер-миниистир Михаил Мишустин РФ субъектарыгар 4 млрд. тахса сууманы тутууга биэрэр туһунан дьаһалы таһаарбыта. Бу үп-харчы социальнай, инженернэй уонна тырааныспар эйгэлэригэр тутуута ороскуоттаныахтаах.
