Ыам ыйын 2 күнүнээҕи туругунан харах балыыһатыгар 48 киһи коронавируһус ыарыытыгар сыстыбыт. Олор 679 киһини кытта алтыспыттар. Бу туһунан суһал штаб иһитиннэрэр.
«Билигин бастаан ыалдьыбыт дьону быһаарар кыахпыт суох. Ол аата ыарыы сибикитэ суох дьон элбэх. Кинилэр дьиэҕэ олоруу режимин тутуспаттар, мааска кэппэттэр, ыарыыны тарҕаталлар», – диэтэ доруобуйа харыстабылын миниистирэ Елена Борисова.
48 ыалдьыбыт дьон ортотугар балыыһа үлэһиттэрэ, пациеннар уонна кинилэр алтыспыт аймахтара бааллар. Кинилэри барыларын инфекционнай балыыһаҕа киллэрдилэр. Биир киһи ойоҕостоппут, атыттар амалар. Кинилэр алтыспыт дьоннорун обсерваторга киллэрбиттэр. Балыыһаны дезинфекциялаабыттар. Харах быраастара быстах кэмҥэ өрөспүүбүлүкэтээҕи 2-с нүөмэрдээх балыыһаҕа көрөллөр.
