Чайаҥдатааҕы баахтабай бөһүөлэктэн өссө 200 Башкортостан олохтооҕун Талакан аэропордуттан икки анал рейсинэн Уфаҕа ыыттылар. Бу туһунан өрөспүүбүлүкэтээҕи суһал штаб иһитиннэрэр.
«Бүгүн, ыам ыйын 5 күнүгэр Ленскэй оройуонугар баар Чайаҥдатааҕы саппаас баайдаах сиртэн «Стройтрансгаз» хампааньа тэрийбит икки анал рейсинэн 200 Башкортостан олохтооҕо Уфаҕа ыытылынна. Бу дьон бары баахталара бүппүтэ, тумуу сибикилэрэ суоҕа уонна коронавируска анализтара мэлдьэхтээҕэ бэлиэтэнэр», – диэн этиллэр.
Бу иннинэ 50 баахтабай үлэһити Омскайга тириэдибиттэрэ, 44 – Норильскайга уонна 61 –Саха сирин стационардарыгар.
Оннугар хаттаан анализтары оҥоруу уонна үлэһиттэри бөлөхтөрүнэн араарыы үлэтэ ыытыллар.
Санатар буоллахха, ааспыт икки күҥҥэ Чайаҥда баахтабай бөһүөлэгин өссө 400 үлэһитэ Башкортостан өрөспүүбүлүкэтигэр ыытыллыбыттара.
