Саха сиригэр 2021 сыл саҥатыттан 393 тас дойдуттан, регионтан кэлбит киһи булгуччулаах коронавирус инфекциятыгар ПЦР анаалиһын туттарбатах, кинилэри суут ыстырааптаата. Бу туһунан Роспотребнадзор өрөспүүбүлүкэтээҕи салаатын пресс-сулууспата иһитиннэрэр.
Сэтинньи 23 күнүнээҕи туругунан, омук сириттэн өрөспүүбүлүкэҕэ 14 319 киһи кэлбит, олортон сороҕо Турцияттан, Египеттэн, ОАЭ-ттэн, Кипртан, Кыргызстантан, Таджикистантан, Казахстантан.
Итинтэн 560 киһи коронавируска ПЦР-тест туттарбакка сылдьар. Өссө 782 киһи аналиһа чуолкайданар.
Из них 560 человек не сдали ПЦР-тест на коронавирус, анализы еще 782 граждан находятся на уточнении.
«Суут 530 дьыалата көрүлүннэ, итинтэн 393 киһи 3977500 солк. суумалаах ыстарааптары аныыр административнай эппиэтинэскэ тардылынна. Атын дьыалалар көрүүгэ тураллар», — диэн иһитиннэриигэ этиллэр.
КоАП РФ 2-с №-дээх ыстатыйанан «Нэһилиэнньэ санитарнай-эпидемиологическай этэҥҥэ буолуутун туһунан кэһии» санитарнай уонна эпидемиологическай нуорма ирдэбилин кэспит киһи 15-40 тыһ.солк., оттон дуоһунастаах сирэй – 50 — 150 тыһ.солк., юридическай сирэй 200-500 тыһ.солк. ыстарааптаныаҕа.
Маныаха, Россияҕа кэлэн баран үс-биэс календарнай күн иһигэр, олохтоохтор иккитэ COVID-19 ПЦР ньыматынан лабораторнай чинчийиини ааһыахтаахтар. Бастакы уонна иккис анализ икки ардыгар сууккаттан итэҕэһэ суох буолуохтаах. Быһыы ылбыттар эбэтэр алта ый иһигэр ыалдьыбыттар ПЦР-тест туттарбаттар.
