Өрөспүүбүлүкэ 46 322 үөрэнээччитэ дистанционнай үөрэнии көрүҥэр көстө.
Бу туһунан өрөспүүбүлүкэ бырабыыталыстыбатын бэрэссэдээтэлин солбуйааччы э.т. Сергей Местников хотугулуу-илиҥҥи Азия дойдуларын ассоциациятын чилиэттэригэр, коронавирус усулуобуйатыгар өрөспүүбүлүкэҕэ үөрэҕи тэрийиигэ дакылаатын кэмигэр иһитиннэрдэ.
2020 сыл балаҕан ыйын 18 күнүнээҕи туругунан, Саха сиригэр дистанционнай көрҥүнэн үөрэниигэ 46 322 үөрэнээччи көстө, ол иһигэр 9 % — уопсай орто үөрэхтээһин , 75 % — орто анал үөрэх уонна 74 % — үрдүк үөрэх кыһатын үөрэнээччилэрэ.
«РФ бырабыыталыстыбата коронавирус пандемиятын усулуобуйатыгар үөрэтии тиһигин ситиһиилээхтик тэрийбит биэс региону ааттаата, олор истэригэр оскуолалары, оҕо уһуйааннарын, орто уонна үрдүк үөрэх тэрилтэлэрин хаачыстыбалаах үөрэҕинэн хааччыйбыт Саха сирэ ааттанна», — диэтэ Сергей Местников.
Кини бэлиэтииринэн, дистанционнай көрүҥүнэн үөрэнии эбии үөрэх тэрилтэлэрин эмиэ хапта. Сынньалаҥ кэмигэр өрөгөйүөннэр икки ардыларыгар дистанционнай үөрэхтээһиҥҥэ онлайн-семинардар тэрилиннилэр.
«Уопсайынан, пандемия дистанционнай цифровой үөрэхтээһин сайдыытын түргэтиттэ. Кэлэр кэм оскуолата цифровой технологията суох сатаммат, ол эрэн хаачыстыбалаах үөрэхтээһин — оҕо социализацията, ол аата биир саастыылаахтарын , учууталларын кытта сирэй көрсөн кэпсэтии. Цифровизация үгэс буолбут үөрэтии кыаҕын кэҥэтэр, ол эрэн солбуйар кыаҕа суох», — диэн вице-премьер э.т. бэлиэтээтэ.
