MUUS uSTAR бэстибээл чэрчитинэн Хотугулуу Илиҥҥи федеральнай үнүбэрсиэккэ «GISIT-2022» өрөспүүбүлүкэтээҕи куонукуруска 500-тэн тахса үөрэнээччи кыттыаҕа. Бу туһунан үрдүк үөрэх кыһатын пресс-сулууспата иһитиннэрэр.
Кинилэр геоинформационнай технологиялар уонна бырайыактары быһаарыы эйгэлэригэр бэйэлэрин үлэлэрин көрдөрүөхтэрэ. Быйыл хакатону хас да тэрээһиннэртэн турар GIS-марафоҥҥа диэри кэҥэттилэр.
«Биһиги куонкуруһу оҥорор уонна үбүнэн көмөлөһөр экономика тэрилтэлэрин кытта үлэлиибит. GIS-марафон — куонкурус саҥа сүүрээнэ», — диэтэ Научнай коллаборация дьиэтин дириэктэрэ Прасковья Никифорова.
Манна маастар-кылаастар, вебинардар буолуохтара, талар тиэстээһин, хакатон уонна ИТ- исписэлиистэргэ судаарыстыбаннай көмө тиэмэтигэр төгүрүк остуол тэриллиэҕэ.
