Үөһээ Бүлүү улууһугар нэһилиэк сэбиэтин дьокутаата полиция үлэһитигэр саба түспүтүн иһин боломуочуйатын болдьоҕун иннинэ тохтоттулар. Бу туһунан СӨ борокуратууратын пресс-сулууспата иһитиннэрдэ.
2019 сыл бэс ыйын 22 күнүгэр Үөһээ Бүлүү улууһугар биир нэһилиэккэ ыһыах кэмигэр полиция үлэһитэ сууттанааччы итирик туруктаах гражданскай кэргэнигэр быраабы утарар дьайыылары оҥорорун көрбүт. Полиция үлэһитэ эр киһи тохтууругар ирдээбит.
«Сууттанааччы саһа сатаабыт. Силиэстийэ кэмигэр күрдьэҕинэн полиция үлэһитин хаста даҕаны саайбыт», — диэн иһитиннэриигэ этиллэр.
Суут холуобунай дьыала түмүктэрин көрөн баран, ыстарааптыырга бириигэбэрдээтэ. Бириигэбэр сокуон күүһүгэр киирбит.
Федеральнай сокуон быһыытынан, буруйдуур бириигэбэр күүһүгэр киирдэҕинэ, дьокутаат, олохтоох бэйэни салайыныы быыбардыыр уорганын чилиэнэ, дуоһунастаах сирэй боломуочуйата болдьоҕун иннинэ быһыллар.
