Дьокуускай куорат сокуоннай саастарын туола илик оҕолор дьыалаларынан сулууспатын үлэһиттэрэ, оҕолорун кытары бөх баахтарын хаһан, ас тобоҕун хомуйа сылдьыбыт ийэҕэ көмө оҥоруохтара.
Алтынньы 28 күнүгэр социальнай ситим нөҥүө, элбэх оҕолоох ыалы устубут видеолара тарҕаммыта. Дьон былаас уорганнарыгар бу ийэни булан, көмө оҥорорго көрдөспүтэ.
Дьокуускай куорат баһылыгын соругунан, сокуоннай саастарын туола илик оҕолор дьыалаларынан сулууспа үлэһиттэрэ бу ыалга сырыттылар.
«Оҕолор ыттарын аһылыгар ас тобоҕун хомуйа сылдьыбыттарын туһунан ийэлэрэ иһитиннэрбит. Дьиэ кэргэн олорор усулуобуйатын уонна ыал социальнай туругун туһунан аакта оҥоһулунна», — диэн этиллэр.
Ону тэҥэ, дьахтаргра сокуонунан көрүллэр көмөлтө харчы докумуоннарын оҥотторууга көмөлөһүөхтэрэ.
