Сунтаар нэһилиэгин «Кыталык» уһуйаанын эти-сиини эрчийэр инструктора Павел Павлов «Боотурдар оонньуулара» диэн күрэс былдьаһыытын остуол оонньуута оҥорбут.
Байбал хас биирдии дьарыга сахалыы тыыннаах, ɵбүгэ оонньуутун ɵрɵ тутан сүүрдэр, ыстаҥалатар, маамыкта бырахтарар, наарта ойдорор.
Кини тɵрдүс сылын улууска «Боотурдар оонньуулара» диэн кырачааннарга күɵн күрэһи тэрийэн ыытар.
Соторутааҕыта «Боотурдар оонньуулара» диэн барылын аны остуол оонньуута оҥорон, тобулан киэҥ биһирэбили ылан эрэр.
Ааспыт сыл түмүгэр өрөспүүбүлүкэтээҕи «Эр киһи иитээччи» форумугар бу айымньылаах үлэни олус сэргээн бастыҥ үлэлээх ааттааммыта.
Инникитин оонньуутун патеннатан киэҥ эйгэҕэ таһаарар былааннаах.
