«Кыһын Саха сириттэн саҕаланар» бэстибээл Дьокуускайга сэтинньи 22 күнүттэн ахсынньы 1 күнүгэр диэри ыытыллыаҕа.
Бэстибээлгэ:
— «Саха Сирин Бриллианнара» хаар уонна муус скульптуралар аан дойдутааҕы куонкурустара: араас дойдулартан маастардар айылҕа матырыйаала ускуустуба оҥоһуга буолан тахсарын көрдөрүөхтэрэ;
— «Строганина бырааһынньыга»: балыгы кыһыы күрэхтэһиитэ;
— «Вкус Якутии» гастро-бэстибээл: ааттаах-суоллаах шеф-повардар кыттыылара, гастрономическай тыйаатырдар, идэлээхтэр куонкурустара уонна бастыҥ рестораннар күрэхтэрэ.
— «Зимафест» дьиэ кэргэн интерактивнай эйгэтэ: оҕолорго айар куонкурус;
— киин куорат саҥа дьыллааҕы Харыйатын уотун уматыы сүрүн түгэнэ: Тымныы Оҕонньор, Саха Кыһына уонна Чысхаан остуоруйа персонажтарыттан эҕэрдэ, бырааһынньыктааҕы киэргэтиилээх тырааныспар колонната;
— умсугутуулаах, көрдөөх куонкурустар, быыстапкалар, маастар-кылаастар.
Тэрээһиннэр ыытыллар чопчу күннэрин, миэстэлэрин уонна бириэмэлэрин кэлин иһитиннэриэхтэрэ.
