Саха сиригэр гелий бырамыысыланнаһын сайыннардахха, 2000 үлэ миэстэтэ тахсыан уонна 250 миллиард солкуобайдаах инвестиция киириэхтээх. Бу туһунан Илини сайыннарыы министиэристибэтин пресс-сулууспата иһитиннэрэр.
«Саха сирэ элбэх гелий баайдаах территория быһыытынан Россияны саҥа технологическай таһымҥа таһаарар кыахтаах», — диэбит Россия газовай уопсастыбатын толорооччу дириэктэрэ Роман Самсонов Уһук илини сайыннарыы корпорациятын «төгүрүк остуолугар».
Тэрээһиҥҥэ федеральнай уонна региональнай былаас бэрэстэбиитэллэрэ, норуоттар икки ардыларынааҕы хампаанньалар, научнай, үөрэх тэрилтэлэрэ кытыннылар.
Көрсүһүү түмүгүнэн Саха сирин арҕаа өттүгэр углерода суох энергоносителлэри оҥорон таһаарар уонна харайар туһунан хас да өрүттээх сөбүлэһиилэри түһэристилэр.
Бырайыакка 250 миллиард солкуобайы уган туран, Саха сирин урутаан сайдар территориятыгар оҥорор санаалаахтар. Экспертэр сыаналыылларынан Саха сиригэр 8 миллиардтан тахса кубометр сыаналаах гаас саппааһа баар.
Салгыы углерода суох бырамыысыланнаһынан Россия Азия-Чуумпу акыйаан ырыынагар тахсар сыаллаах.
