Россия сүүмэрдэммит хамаандата Пекиннээҕи Олимпийскай Оонньууларга, билиҥҥи туругунан, тохсус миэстэҕэ сылдьар. Чэппиэргэ Россия олимпиецтара хамаандаҕа икки мэтээли аҕаллылар — кыһыл уонна үрүҥ көмүс.
Ол курдук, Канада дьахталларын хамаандата АХШ хамаандатын 3:2 ахсаанынан кыайда. Швейцарияттан сылдьар хайыһардьыт Мишель Гизин суперкомбинацияҕа кыһыл көмүһү ылла.
Швед омук фристайлга спортсмена Сандра Нэслунд Пекин олимпиадатыгар ски-кросс көрүҥҥэ кыһыл көмүһү ылары ситистэ. Япония хаҥкыһыта Михо Такаги 1000 миэтэрэҕэ кыһыл көмүс мэтээлинэн наҕараадаланна.
Россия спортсмена Анна Щербакова биирдиилээн хаҥкылааһыҥҥа олимпийскай чемпион үрдүк аатын ылла.
Билиҥҥи туругунан, Норвегия сүүмэрдэммит хамаандата инники күөҥҥэ иһэр.
