Саха сиригэр Владимир Путин ыйааҕынан тэриллибит «Аҕа дойдуну көмүскээччилэр» судаарыстыбаннай пуонда регионнааҕы филиала байыаннай дьайыылар бэтэрээннэригэр үлэни буларга көмөлөһөр.
Ол курдук, байыаннай дьайыылар бэтэрээнэ Сергей Ф. быйыл олунньуга анал байыаннай дьайыыга доброволец быһыытынан сулууспалыы барбыта. Хантыраага бүппүтүн кэнниттэн төрөөбүт дойдутугар кэлэн үлэ көрдөөбүт.
Пуонда социальнай координатора «Колмар» чоҕу хостуур хампаанньа үлэһиттэрин кытта байыаннай сулууспалааҕы үөрэтэн баран үлэҕэ киллэрэргэ быһаарбыттар.
Байыаннай дьайыылар бэтэрээнэ «горнорабочий» идэҕэ кэтэхтэн үөрэнэн баран чоҕу хостуур хампаанньаҕа үлэлии барбыт.
«Мин тустаах стажировканы ааспытым, практиканы туйгуннук туттарбытым. Бу күннэргэ уопсайга киирбитим уонна «Колмар» хампаанньаҕа үлэлээн саҕалаатым. Суһаллык көмөлөспүккүтүгэр махтанабын», – диэн Сергей Ф. «Аҕа дойдуну көмүскээччилэр» судаарыстыбаннай пуонда регионнааҕы филиалын үлэһиттэригэр үөрэҕи ааспытынан уонна үлэнэн хааччыллыбытынан махтанна.
Санатар буоллахха, бэс ыйын 1 күнүттэн Саха сиригэр Владимир Путин ыйааҕынан тэриллибит «Аҕа дойдуну көмүскээччилэр» судаарыстыбаннай пуонда регионнааҕы филиала үлэлээн саҕалаабыта. Пуонда сүрүн соругунан анал байыаннай дьайыылартан уурайан кэлбит бэтэрээн кыттыылаахтары уонна сүтүктээх дьиэ кэргэттэри көрүү-истии, кинилэргэ көмөлөһүү буолар.
Аҕа дойдуну көмүскээчилэр» пуонда филиала Дьокуускай куорат Ойуунускай уулуссатын, 41/1 дьиэтигэр баар.
