Саха сиригэр «Аҕа дойдуну көмүскээччилэр» судаарыстыбаннай пуондаҕа сыл саҕаланыытыттан мэдиссиинэҕэ уонна психологияҕа сыһыаннаах 2300 тахса ыйытыыга хоруйдаабыттар. Бу туһунан брифиҥҥэ пуонда Саха сиринээҕи салаатын салайааччытын солбуйааччыта Татьяна Никифорова иһитиннэрдэ.
Пуонда салаатыгар Дьокуускайдааҕы өрөспүүбүлүкэ психоневрологическай диспансерын клиническэй психологтара үлэлииллэр. Кинилэр психологическай көмөнү оҥороллор. Маннык көмөнү быйыл 700 тахса киһи ылла.
Санатарбыт курдук, анал байыаннай дьайыыга сырдык тыыннара быстыбыт байыастар оҕолоро кризиснэй психологтар көмөлөрүн ылар кыахтаахтар. Онно анаан «Аҕа дойдуну көмүскээччилэр» судаарыстыбаннай пуонда Саха сиринээҕи салаатын социальнай координаторыгар тахсыахха наада.
Пуонда салаата дьону бу аадырыска күүтэр: Дьокуускай куорат, Ойуунускай уул., 41/1.
Хаартыска: sakha.gov.ru
