Өлүөнэ өрүс мууһа Лиэнскэй уонна Өлүөхүмэ оройуоннарынан устар. Бу туһунан РФ ЫБММ Саха сиринээҕи салаата иһитиннэрэр.
Аҕыйах хонугунан өрүс мууһа Өлүөхүмэ оройуонунан устуоҕа, икки учаастак холбоһуоҕа, ону тэҥэ Өлүөхүмэ куоратын аннынан өрүс эстиэҕэ.
Өлүөнэ өрүскэ муус алын кирбиитэ Өлүөхүмэ улууһун Мача сэлиэнньэтиттэн 20 км аллараа бэлиэтэнэр. Муус сэдэхтик устар, уу таһыма 851 см тэҥнэһэр (кутталлаах кирбии – 1290 см). Лиэнскэй куоратын аннынан уу таһыма 791 см буолла (кутталлаах кирбии – 1760 см). Муус ортотук устар.
Өрүс мууһун үөһээ кирбиитэ Лиэнскэй оройуонун Хамра сэлиэнньэтигэр бэлиэтэнэр. Муус ортотук устар. Муус устуутун уһуна 290 килэмиэтиргэ тэҥнэһэр. Сууккаҕа 290 км устубут.
Муус аллараа кирбиитин иккис чааһын аллараа кытыыта Өлүөхүмэ оройуонун Урицкай дэриэбинэтин аттыгар баар. Уһуна 109 килэмиэтир. Уу таһыма икки оройуоннарга критическэй таһымтан намыһах. Муус кэлэр сууккалар иһигэр холбоһоро күүтүллэр. Дьокуускай куоракка муус хамсааһына ыам ыйын 17 күнүгэр күүтүллэр. Онтон Амма өрүс төрдүгэр толору киирдэ. Битиим өрүс мууһа эмиэ кэлэр сууккаҕа Өлүөнэ өрүскэ тиийиэҕэ. Алдан өрүс мууһа билигин Кэскил уонна Күпсү бөһүөлэктэрин таһынан ааһа турар. Атын өрүстэргэ быһыы-майгы кэминэн.
