2022 сылга аҕыс ый устата өрөспүүбүлүкэҕэ 7520 оҕо төрөөбүт – 3 908 уол уонна 3612 кыыс. Бу туһунан СӨ бырабыытылыстыбатын уонна баһылыгын дьаһалтатын пресс-сулууспата иһитиннэрэр.
Оттон атырдьах ыйыгар 546 уол уонна 522 кыыс күн сирин көрдүлэр. Кинилэр бары Саха АССР 100 сылынан туттарыллар 100 тыһ. солк суумалаах «Үйэ оҕолоро» сертификаты туттарыахтара.
Балаҕан ыйын 5 күнүнээҕи туругунан тус сыаллаах хапытаалы 5795 ыал ылбыт. Мантан 1020 ыал сертификаты туһаммыт.
Ил Дархан Айсен Николаев быйылгы сылы Ийэ сылынан биллэрэн туран, өрөспүүбүлүкэбит төрүттэммитэ өрөгөйдөөх 100 сылыгар төрөөбүт хас биирдии кырачааҥҥа 100 тыһыынча солкуобай суумалаах тус сыаллаах капитал ананарын туһунан ыйаахха илии баттаабыта.
