Саха сиригэр оруосабай фламинго кэлбитин туһунан аан дойду сүрүн телевизионнай ханаалларыгар кэпсээтилэр. «Саха» көрдөрөр-иһитиннэрэр хампаанньа «Якутия 24» ханаала фламинго уһуллубут эксклюзивнай видеотун Первый канал, Россия 1, Россия 24, ТВЦ, Бэһис ханаал, Мир 24, НТВ, «Звезда», ABC уонна Fox News (Америка), SBS (Австралия), bTV (Болгария), Al Jazeera (Катар), FNN (Япония) уонна өссө 50-ча ханаал көрдөрбүт. Ону таһынан Ruptly, Reuters уонна Associated Press видео-ааҕыныстыбалар эмиэ тарҕаппыттар.
«Якутия 24» ханаал 2018 сыллаахха тахсыаҕыттан ыла Саха сирин туһунан уһулбут видеоларын аан дойду үрдүнэн араас көрдөрөр-иһитиннэрэр сириэстибэлэргэ тарҕатар.
