Ааспыт сууккаҕа өрөспүүбүлүкэҕэ коронавирустан 34 киһи үтүөрбүт. Бу туһунан суһал штаб пресс-сулууспата иһитиннэрэр.
Балыыһаҕа өрөспүүбүлүкэ үрдүнэн 25 киһи киирбит. Бу суукка иһигэр ыалдьыбыт 75 киһиттэн 33,3%-на. 554 чинчийиини ыыппыттар.
Уопсайа ыалдьыбыттар 21,7%-ра балыыһаҕа эмтэнэр, дьиэттэн — 78,3%. Быһыыны ылбатах дьон ыарыыны ыараханнык аһарара бэлиэтэнэр.
Вакцина бастакы компоненын 620 192 киһиэхэ туруорбуттар, ол эбэтэр аҕа саастаах дьон 86,5%-на. Ревакцинацияны 159 723 киһи ааспыт, бу быһыы иккис түһүмэҕин ылар болдьохторо кэлбит дьон 66,9%-на.
Алдаҥҥа, Мэҥэ Хаҥаласка, Нерюнгрига, Өймөкөөҥҥө уонна Дьокуускайга ревакцинацияны туруоруу тэтимэ бытаан.
