Ааспыт сууккаҕа 54 киһи COVID-19-тан үтүөрдэ

Өрөспүүбүлүкэҕэ ааспыт сууккаҕа 54 киһи үтүөрдэ, 18 коронавирустаабыт киһи балыыһаҕа киирдэ. Бу туһунан суһал штаб иһитиннэрэр.

Муус устар 24 күнүнээҕи туругунан, 114 киһи ыарыйда, суукка иһигэр коронавируска 1 982 тест оҥордулар. Билигин ыалдьыбыт дьон 18,5%-на балыыһаҕа эмтэнэр, 81,5%-на — дьиэҕэ. Быһыыны ылбатахтар ордук ыараханнык ыалдьалларын бэлиэтииллэр.

COVID-19-һу утары вакцина бастакы компоненын 617 971 киһиэхэ туруордулар, бу аҕа саастаах дьон 86,2%-гар тэҥ, ревакцинацияны 158 691 киһи ааста.

Алдаҥҥа, Мэҥэ Хаҥаласка, Нерюнгрига, Өймөкөөҥҥө уонна Дьокуускайга ревакцинацияны ааһыы тэтимэ бытаана бэлиэтэнэр.