Ааспыт сууккаҕа өрөспүүбүлүкэҕэ коронавирустаабыт 29 киһи балыыһаҕа киирдэ, 223 киһи үтүөрдэ. Бу туһунан суһал штаб иһитиннэрэр.
Муус устар 2 күнүнээҕи туругунан COVID-19-нан ыалдьыы 329 түбэлтэтэ бэлиэтэннэ, ол иһигэр мантан 26,4%-на — Дьокуускайга, 73,6%-на — улуустарга. Ыалдьыбыт дьон 16,1%-на балыыһаҕа эмтэнэр, 83,9%-на — тастан.
«COVID-19-нан ыалдьыы 13%-на «дельта» штаммы кытта сибээстээх», — диэн иһитиннэриигэ этиллэр.
Ыараханнык ыалдьыбыт дьон коронавирус утары быһыыны ылбатахтара бэлиэтэнэр. Быһыы бастакы компоненын 610 519 киһиэхэ туруорбуттар, ревакцинацияны 153 517 киһи ааспыт.
Алдаҥҥа, Мэҥэ Хаҥаласка, Нерюнгрига, Өймөкөөҥҥө уонна Дьокуускайга ревакцинацияны ааһыы тэтимэ бытаан.
