Кулун тутар 5 күнүгэр өрөспүүбүлүкэҕэ 70 киһи балыыһаҕа киирдэ.
Бу туһунан бүгүҥҥү брифиҥҥэ СӨ доруобуйа харыстабылын миниистирэ Лена Афанасьева иһитиннэрдэ.
Өрөспүүбүлүкэҕэ 816 киһи эбии коронавирустаабыт. Дьокуускайга ыалдьыбыт дьон ахсааныттан 23,9%-на, оройуоннарга — 76,1%. Ыалдьыбыт дьон 10,4%-на балыыһаҕа сытан эмтэнэр, таһыттан — 89,6%. Уопсайа 156 киһи үтүөрбүт.
Быһыы бастакы компоненын 599 278 киһи ылбыт, ревакцинацияны 145 883 киһи ааспыт.
Ревакцинация тэтимэ Алдаҥҥа, Мэҥэ Хаҥаласка, Өймөкөөҥҥө уонна Дьокуускайга бытаан.
Суукка иһигэр өрөспүүбүлүкэ лабораториялара 3 275 коронавируска аналиһы чинчийбиттэр. Пандемия саҕаланыаҕыттан уопсайа 2 141 893 тест чинчийиллибит.
