Ааспыт сууккаҕа коронавирустан 4,3 тыһ. киһи үтүөрбүт

Ааспыт сууккаҕа 4,3 тыһыынча киһи үтүөрбүт. Балыыһаҕа 96 киһи киирбит. Бу туһунан суһал штаб иһитиннэрэр.

«Өрөспүүбүлүкэҕэ ааспыт сууккаҕа 1 354 киһи коронавирустаабыт. Дьокуускайга 650 түбэлтэ бэлиэтэммит. 4 329 киһи үтүөрбүт. 93,3% ыарыһах амбулаторно эмтэнэр, 6,7% киһи балыыһаҕа сытар», — диэн иһитиннэриигэ этиллэр.

Суһал штаб иһитиннэриитинэн, бэлиэтэммит түбэлтэ ахсаана элбээбитин үрдүнэн, үгүс киһи чэпчэкитик ыалдьар. Манна вакцина улахан көмөлөөх.

Коронавирустан быһыы бастакы компоненын өрөспүүбүлүкэҕэ 588 220 киһи ылла. Быһыы иккис компоненын ылбыт 137 937 киһи алта ый ааспытын кэннэ ревакцинацияны ааста.