Ааспыт сууккаҕа өрөспүүбүлүкэҕэ 209 киһи эбии коронавирустаабыта бэлиэтэннэ. Бу туһунан суһал штаб иһитиннэрэр.
Ол курдук, Дьокуускайга 72 киһи ыалдьыбыт, Нерюнгрига — 25, Миирнэйгэ — 23, Алдаҥҥа — 21.
Мэҥэ Хаҥаласка, Өлүөхүмэҕэ — тоҕустуу, Хаҥаласка — сэттэ, Аммаҕа, Ньурбаҕа, Тааттаҕа — алталыы.
Томпоҕо түөрт киһи коронавирустаабыт,Горнайга, Эдьигээҥҥэ, Намҥа, Өймөкөөҥҥө — үстүү.
Кэбээйигэ, Сунтаарга, Уус Маайаҕа иккилии киһи COVID-19-нан ыалдьыбыта бэлиэтэммит, Аьыйга, Ленскэйгэ уонна Усуйаанаҕа — биирдии.
Суукка иһигэр өрөспүүбүлүкэ лабораторияларыгар 1 002 коронавируска чинчийиини ыыттылар. Ыарыы саҕаланыаҕыттан уопсайа 1 765 607 тест оҥордулар.
