Саха сиригэр ааспыт сууккаҕа 217 киһи эбии коронавирустаата. Бу туһунан өрөспүүбүлүкэтээҕи суһал штаб салайааччытын солбуйааччы Ольга Балабкина бүгүн, ахсынньы 1 күнүнээҕи брифинг кэмигэр иһитиннэрдэ.
«Ахсынньы 2 күнүнээҕи туругунан 217 киһи эбии коронавирустаата, ол иһигэр 45 ыарыыны илдьэ сылдьааччы. Дьокуускайга 115 киһи ыарыйда», — диэтэ кини.
Миирнэй уонна Нерюнгри оройуоннарыгар — тоҕустуу, Алдаҥҥа, Бүлүүгэ уонна Мэҥэ Хаҥаласка — сэттэлии, Аммаҕа, Үөһээ Дьааҥыга, Ленскэйгэ, Өлүөхүмэҕэ уонна Чурапчыга — биэстии киһи ыарыйда.
Горнайга уонна Ньурбаҕа түөртүү, Аллайыахаҕа, Үөһээ Бүлүүгэ, Аллараа Халымаҕа, Өймөкөөҥҥө, Өлөөҥҥө уонна Уус Майаҕа — үстүү киһи ыалдьыбыта бэлиэтэннэ.
Булуҥҥа, Кэбээйигэ, Сунтаарга уонна Уус Алдаҥҥа — иккилии, Эдьигээҥҥэ, Муомуаҕа, Усуйаанаҕа уонна Хаҥаласка — биирдии киһи ыарыйда.
