Ааспыт сууккаҕа өрөспүүбүлүкэ сиригэр-уотугар 51 933 га иэннээх 14 ойуур баһаарын умуруордулар. Бу туһунан регионнааҕы суһал штаб иһитиннэрэр.
Ол курдук, Томпоҕо, Эдьигээҥҥэ, Уус Маайаҕа, Өймөкөөҥҥө, Ньурбаҕа, Алдаҥҥа, Нерюнгригэ, Өлөөн баһаардары тохтоттулар.
Өймөкөөн улууһугар икки ландшафтнай баһаар уонна Томпо улууһугар биир ойуур баһаара үөскээбитэ бэлиэтэннэ.
Бүгүн, ол эбэтэр атырдьах ыйын 10 күнүн сарсыарда, өрөспүүбүлүкэ үрдүнэн 228 128 га иэннээх 32 ойуур баһаара баара бэлиэтэнэр, ол иһигэр Уус Маайаҕа — 16, Алдаҥҥа — 11, Ньурбаҕа, Үөһээ Бүлүүгэ, Өймөкөөҥҥө, Сунтаарга, Орто Халымаҕа, Томпоҕо — биирдии.
«Ааспыт сылга баччаларга 3 894 530,8 га иэннээх сиргэ 172 ойуур баһаара бэлиэтэммит», — диэн иһитиннэриигэ этиллэр.
Уоту умуруорууга 777 киһи уонна 29 тиэхиньикэ үлэлиир.
