Өрөспүүбүлүкэ сиригэр-уотугар билиҥҥи кэмҥэ 100-тэн тахса тиэргэн ууга баран турар, ааспыт сууккаҕа Таатта улууһугар 18 тиэргэн ууттан босхолонно. Бу туһунан регионнааҕы ЫБММ пресс-сулууспата иһитиннэрэр.
Саха сирин өрүстэригэр уустук балаһыанньа оннунан хаалар. Таатта Чымнаайытын, Кыйытын, Чөркөөҕүн, Боробулун, Кэбээйи Сииттэтин, Үөһээ Халыма Зырянкатын, Аллараа Халыма Черскэйин олохтоохторугар ЫБММ уонна СӨ Быыһыыр сулууспатын быыһааччылара көмөнү оҥороллоро салҕанар.
Ону таһынан, тиэргэнниртэн ураты Зырянкаҕа аэропорт көтөр-түһэр балаһатын 30%-на ууга былдьанан турар. Нэһилиэнньэлээх пууннарга төгүрүк суукка устата дьуһуурустуба үлэлиир, өрүстэри кэтииллэр, уу эбийиэктэригэр дьоҥҥо куттал суох буолуутун хааччыйаллар, миэстэтигэр тахсыбыт хорумньуну ааҕар хамыыһыйа үлэлиир.
«Таатта улууһугар халаан балаһыанньата ураты хонтуруолга сылдьар. Быыһааччылар уустук учаастактарга даамбаны бөҕөргөтүү үлэтигэр кытталлар. Суукка устата Таатта улууһун Чымнаайы сэлиэнньэтигэр 18 тиэргэн ууттан босхолонно. Билигин Чөркөөх уонна Боробул нэһилиэньэлээх пууннарын намыһах сиргэ сытар учаастактар ууга барар кутталлаахтар», — диэн ЫБММ регионнааҕы сүрүн управлениетын салайааччыта Павел Гарин иһитиннэрдэ.
