«Саха сиринээҕи ОДьКХ» Абыйдааҕы салаатын ититиини биэрэр эбийиэктэрэ атырдьах ыйын 28 күнүгэр холбоннулар. Бу туһунан тэрилтэ пресс-сулууспата иһитиннэрэр.
«13 хочуолунай барыта холбонон, социальнай суолталаах эбийиэктэри уонна улуус 586 олорор дьиэтин сылытта. Кыстыкка бэлэми туоһулуур паспорт эбийиэк бары салааларыгар ылылынна, өрөмүөн үлэтигэр туһааннаах тэрээһин олоххо киирдэ», — диэн иһитиннэриигэ этиллэр.
ОДьКх үлэһиттэрэ «Үһүс кыбаартал», Үрүҥ Хайа бөһүөлэгин «БРП»-тын уонна Абыйга хочуоллары уларыттылар. «Үһүс кыбаартал» хочуолунайыгар биир уонна Кэбэргэнэ сэлиэнньэтигэр икки хочуолу туруордулар.
Сыаганнаах сэлиэнньэтигэр 144 миэтэрэ, Уолбут сэлиэнньэтигэр 250 миэтэрэ уонна Үрүҥ Хайа бөһүөлэгэр 210 миэтэрэ ититии ситимэ, улуус киинигэр уу ханаалын носуоһа уларытылынна.
Абыйдааҕы салаа көрүүтүгэр уопсайа 65,2 килэмиэтир инженернэй ситим, таас чоҕунан оттуллар 11, уопсайа 60,38 ч/Гкал күүстээх икки убаҕас оттук хочуолунайа баар.
