Ааспыт сыл дойду бэрэсидьиэнэ Владимир Путин көҕүлээбит национальнай бырайыагын чэрчитинэн тэрилтэ саҥа үөрэх корпуһун тутуута түмүктэннэ.
Күн бүгүн манна 463 оҕо уһуйуллар. Ол иһигэр 328 – доруобуйатыгар хааччахтаах оҕо.
Ону таһынан, комплекс атын да эбийиэктэрин тутуута салҕанар – уһуйаан уонна интернат. Бу тутуулар үлэҕэ киирдэхтэринэ, манна Саха сирин тэйиччи сытар улуустарыттан оҕолор эмиэ үөрэнэ кэлэр кыахтаныахтара.
Комплекс үлэһиттэрэ бэлиэтииллэринэн, национальнай бырайыак олоххо киириитэ кинилэргэ үөрэх саҥа кыаҕын арыйбыта – үөрэх араас бырагырааматын олоххо киллэрии, оҕолору бүтүн Россиятааҕы таһымнаах күрэхтэһиилэргэ бэлэмнээһин уонна да атын.
