Арктикатааҕы култуура уонна искусство судаарыстыбаннай институтун «Долун» фольклорнай бөлөҕө «Россия многоликая-2021» норуот уус-уран норуоттар икки ардыларынааҕы бэстибээл «Шоу-программа в народном стиле» диэн хайысхаҕа Гран-при аатын ылла. Бу туһунан үрдүк үөрэх кыһатын пресс-сулууспата иһитиннэрэр.
Ону тэҥэ «Фольклор» диэн хайысхаҕа кыайдылар.
Тэрээһини Москватааҕы М.В. Ломоносов аатынан судаарыстыбаннай үнүбэрситиэт быйыл онлайн-форматынан тэрийдэ.
«Россия үгүс норуоттарын арыйар бу дьоһун бэстибээлгэ АГИКИ устудьуоннара бастакыларын кытталлар. Дьүүллүүр сүбэ бэрэссэдээтэлинэн МГУ ректора Виктор Садовничий буолла уо.д.а. култуураҕа, искусствоҕа биллиилээх экспердэр үлэлээтилэр», — диэтэ АГИКИ норуодунай уус-уран култуура кафедратын сэбиэдиссэйэ Зоя Стрекаловская.
«Долун» фольклорнай бөлөх видеосайаапкаҕа саха тылынан стилизованнай юмористическай ырыаны (гран-при) уонна чабырҕах толордо.
Өссө биир сайаапканы иккис куурус устудьуона Эркул Чулунов ыыппыта. Кини алтай тылынан ыллаабыта. «Народное пение» хайысхаҕа кини бастакы истиэпэннээх лауреат буолла.
