Ахсынньы 1 күнүттэн өрөспүүбүлүкэҕэ мууһунан айан суоллар аһыллыахтара. Бу туһунан СӨ тырааныспар министиэристибэтин пресс-сулууспата иһитиннэрэр.
Бүлүү өрүһүнэн айан суола түөрт туоннаҕа диэри уйуктаах тырааныспарга аһыллыаҕа.
-Үөһээ Бүлүү улууһун Үөһээ Бүлүү сэлиэнньэтин уонна Ньурба оройуонун Күндээдэ сэлиэнньэтин таһынан;
-Сунтаар улууһун Уустуйа сэлиэнньэтин таһынан;
-Сунтаар улууһун Кириэстээх сэлиэнньэтин таһынан — ахсынньы 10 күнүгэр.
Алдан өрүскэ түөрт туоннаҕа диэри ыйааһыннаах тырааныспарга мууһунан айан суола ахсынньы 5 күнүгэр аһыллыаҕа.
Өлүөнэ өрүһүнэн «Умнас» айан суолун 11-с килэмиэтириттэн — «Лена» айан суолун 1154 килэмиэтиригэр диэри мууһунан айан суола үс туоннаҕа диэри ыйааһыннаах тырааныспарга ахсынньы 10 күнүгэр былааннанар.
Халыма айан суолун өрүһүнэн туоруур учаастага тохсунньу 5 күнүгэр 10 туоннаҕа диэри ыйааһыннаах тырааныспарга көҥүллэнэн аһыллыаҕа.
Кыһыҥҥы айан суолун 83 учаастагыттан 14-гэр сырыы аһылынна.
Сылаас күннэр тураннар болдьоҕо уларыйбыта бэлиэтэнэр.
