Ахсынньы 14-18 күннэригэр өрөспүүбүлүкэҕэ ГИБДД иниспиэктэрдэрэ такси суоппардарыгар бэрэбиэркэ ыытыахтара. Бу туһунан РФ ис дьыала министиэристибэтин суолга сэрэхтээх буолуу иниспиэксийэтин судаарыстыбаннай управлениетын Саха сиринээҕи салаатын пресс-сулууспата иһитиннэрэр.
«Улуустарга, куоракка уонна нэһилиэнньэлээх пууннарга оптуобустар, официальнай такси сулууспалара бэрэбиэркэлэниэхтэрэ», — диэн иһитиннэриигэ этиллэр.
2020 сыл саҕаланыаҕыттан Саха сиригэр куттала суох буолуу ирдэбилигэр эппиэттээбэт сэттэ такси баара быһаарылынна. Ол иһигэр биэс суоппар туһааннаах көҥүллэрэ суох сылдьыбыттар.
Айанньыт олоҕор, доруобуйатыгар суоһуур кэһиилээх массыына суоппара холуобунай эппиэтинэскэ тардыллар уонна 300 иыһыынча солкуобай кээмэйдээх ыстараап төлүүр, булгуччулаах үлэҕэ ананар, икки сыл көҥүлэ быстар.
