Күнү-дьылы кэтээн көрөөччүлэр иһитиннэрэллэринэн сөҥүү түһүүтэ намыһах көрдөрүүлээх, итиэннэ салгын температурата нуорматтан алын кэрдиискэ туруо. Бу туһунан Россия күнү-дьылы кэтээн көрөр киин салайааччыта Роман Вильфанд тириэрдэр.
«Крымтан, Урал федеральнай уокуругуттан уонна Саха сириттэн ураты Соҕуруу уонна Хотугу Кавказ федеральнай уокуругар аҕыйах хаар түһэрэ күүтүллэр», — диэн метеоролог чопчулаата.
Итиэннэ Киин федеральнай уокурук соҕуруулуу-илин, Тамбовскай, Воронежскай, Липецкэй уобаластарга уонна Приволжскай уокурукка бүттүүнүгэр сөҥүү түһүүтүн көрдөрүүтэ намыһах буолара күүтүллэр.
Вильфанд этэринэн, Московскай, Рязанскай, Ярославскай, Кировскай, Челябинскай, Оренбургскай, Омскай, Кемеровскай уобаластарга уонна Россия сорох куораттарыгар ахсынньыга тымныы күн-дьыл буолара күүтүллэр, манна ыйдааҕы температура нуорматтан алын көрдөрүүлээх буолара сабаҕаланар.
